เนื้อเพลง หมาบ่มีสิทธิ์ โดย นกแก้ว กาฬสินธุ์

เห่าเห่า หอนหอน ตอนเจ้าบินผ่าน
จนเอ็นคอสะท้าน เจ้าบ่เคยได้ยิน
เกิดเป็นหมาวัดโตหนึ่ง บุญบ่เถิงเครื่องบิน
มีปีกบิน ไผสิอยากย่าง เคียงข้างหมาวัด

ฮักไปซ้ำไป ให้มันได้อีหยัง
ฐานะแตกต่าง ต้องตัดใจให้ขาด
บอกโตเองว่าอย่า คนเขาซาเป็นตาอนาถ
บักหมาวัด ตัดใจซะพ่อ

วาสนาหมาบ่มีสิทธิ์ ให้อาทิตย์ขึ้นทิศตะเวนตก
ให้บอลไทยได้ไปบอลโลก สิบ่ง่ายกั่วบ้อ
เจ้าบ่แนมเบิ่งกันพอตา วาสนาหมาวัดหมาว้อ
ลงจอดไส ซำสิได้ดมล้อ ยังบ่มีปัญญา

เห่าเห่า หอนหอน ไปเพื่ออีหยัง
บอกก็บ่ฟัง นี่ล่ะหนอใจหมา
ปลงแนเด้อหัวใจ เจ็บอยู่ใต้กุฏิหลวงตา
ฟังเผิ่นเทศนา เอาธรรมะตัดใจ

วาสนาหมาบ่มีสิทธิ์ ให้อาทิตย์ขึ้นทิศตะเวนตก
ให้บอลไทยได้ไปบอลโลก กะสิบ่ง่ายกั่วบ้อ
เจ้าบ่แนมเบิ่งกันพอตา วาสนาหมาวัดหมาว้อ
ลงจอดไส ซำสิได้ดมล้อ ยังบ่มีปัญญา

เห่าเห่า หอนหอน ไปเพื่ออีหยัง
บอกก็บ่ฟัง นี่ล่ะหนอใจหมา
ปลงแนเด้อหัวใจ เจ็บอยู่ใต้กุฏิหลวงตา
ฟังเผิ่นเทศนา เอาธรรมะตัดใจ

โอ๊ย เจ็บอยู่ใต้กุฏิหลวงตา
ฟังเผิ่นเทศนา เอาธรรมะตัด ใจ